ქუთაისის მეშვიდე მოწვევის საკრებულოს თავმჯდომარედ „ქართული ოცნების“ წარმომადგენელი ირაკლი შენგელია აირჩიეს.

გადაწყვეტილება საკრებულომ ხმათა უმრავლესობით მიიღო. შენგელიას ხმა 18 დეპუტატმა დაუჭირა. „ნაციონალური მოძრაობიდან“ აღნიშნულ თანამდებობაზე კენჭს ბესიკ ბრეგაძე იყრიდა, რომელსაც მხარი 14 დეპუტატმა დაუჭირა.

ქუთაისის საკრებულო 35 წევრითაა დაკომპლექტებული. კენჭისყრაში მონაწილეობა სამმა დეპუტატმა არ მიიღო. დღესვე სხდომაზე ასევე კომისიები დაკომპლექტდება და მის თავმჯდომარეებს აირჩევენ.