რუსთაველის თეატრის დირექტორის კანდიდატურა ჯერ გადაწყვეტილი არ არის. ამის შესახებ კულტურისა და ძეგლთა დაცვის მინისტრი მიხეილ გიორგაძე საუბრობს. მისი თქმით, დირექტორის წარდგენის უფლება აქვს თეატრის სამხატვრო ხელმძღვანელს, თუმცა, ეს არ გამორიცხავს, რომ სამინისტროს თავისი კანდიდატურა ჰყავდეს.

„ჯერ ყველა ის პროცედურა უნდა გავიაროთ, რომელიც გულისხმობს დირექტორის წასვლას, ახალი დირექტორის შერჩევას და ასე შემდეგ", - აღნიშნა ჟურნალისტებთან საუბრისას მიხეილ გიორგაძემ.

რუსთაველის თეატრის დირექტორმა, ირინა ყიასაშვილმა თანამდებობის დატოვებასთან დაკავშირებით, კულტურის მინისტრს მიხეილ გიორგაძეს განცხადებით მიმართა.