ჟურნალისტი ვახტანგ ხუნდაძე თამაზ ტყემალაძის გარდაცვალებასთან დაკავშირებით მწუხარებას გამოხატავს და სოციალურ ქსელში პოსტს აქვეყნებს:

„თამაზ ტყემალაძის გარდაცვალებას გისამძიმრებთ. დასრულდა ჩვენი 54 წლიანი მეგობრობა. 1967 წლის სექტემბრიდან მოყოლებული, ბევრი ღირსსახსოვარი დღე გაგვიტარებია ერთად. ახლა ყველაფერი მოგონებად დარჩა, მოგონებად, რომელიც ძალიან ბევრ ლამაზ დღეს აერთიანებს, კრიალოსნად კრავს ნახევარსაუკუნოვან ძმობას, ურთიერთობას, რომელმაც ყველა ამქვეყნიური განცდა დაიტია. ნათელში იყავ, თუნო, ჩვენი ლოცვაც შეგეწიოს მარადიული სასუფევლისკენ სავალ გზაზე...“, - წერს ვახტანგ ხუნდაძე.