„ასტრაზენეკას“ ვაქცინის შემქმნელი, პროფესორი სარა გილბერტი აცხადებს, რომ მომავალი პანდემია შესაძლოა, უფრო ლეტალური იყოს, ვიდრე „კოვიდ-19“.

„ეს კრიზისი არ არის უკანასკნელი. მართალი გითხრათ, შემდეგი ვირუსი შეიძლება, უარესი იყოს. ის, შესაძლოა, იყოს უფრო გადამდები ან უფრო ლეტალური. ამიტომ, ის ცოდნა, რომელიც მივიღეთ არ უნდა დავკარგოთ“, – ამბობს სარა გილბერტი.

ამასთან, როგორც გილბერტი აცხადებს, დღეს არსებული ვაქცინები, შესაძლოა, ნაკლებად ეფექტურად მოქმედებდეს კორონავირუსის ახალი შტამის „ომიკრონის“ წინააღმდეგ.

პროფესორი ასევე არ გამორიცხავს, რომ მომავალში კაცობრიობამ შექმნას გრიპის უნივერსალური ვაქცინა.