26 ივლისიდან „ფონდი ნატახტარი" საქართველოს რეგიონის მასშტაბით,  დემოკრატიული ჩართულობის ცენტრებში საინფორმაციო-საანგარიშო შეხვედრებს მართავს. ქუთაისისა და ბათუმის შემდეგ  შეხვედრა ზუგდიდში "დემოკრატიული ჩართულობის ცენტრში" შედგა. შეხვედრაზე ადგილობრივი არასამთავრობო ორგანიზაციებს, სამეგრელოს მუნიციპალიტეტების თვითმმართველობების სოციალური სამსახურების თანამშრომლებსა და მედიას   კომპანია „ნატახტარისა" და ასოციაცია „ჩვენი სახლი - საქართველოს"  წარმომადგენლებმა „ფონდი ნატახტარისა"და ასოციაციის საქმიანობა და პროექტის „იზრუნე მომავალზე" სპეციფიკა გააცნეს.

"ფონდმა ნატახტარმა" სტუმრებს პროექტის "იზრუნე მომავალზე" ფარგლებში მზრუნველობამოკლებული მოზარდების პროფესიული მომზადების,  განათლებისა და დასაქმების კუთხით გაწეული საქმიანობის ხუთწლიანი დეტალური ანგარიში წარუდგინა.

„შეხვედრები სამი დღის განმავლობაში იმართებოდა დემოკრატიული ჩართულობის ცენტრებში.  დასწრება შეეძლო ყველა მსურველს. ამიტომ სტუმრებს შორის იყვნენ, როგორც ადგილობრივი თვითმმართველობისა და არასამთავრობო ორგანიზაციების წარმომადგენლები, აგრეთვე ყველა ის ადამიანი, ვისაც უბრალოდ მზრუნველობამოკლებული მოზარდების ბედი აღელვებს. ყველა შეხვედრა გაშუქდა ადგილობრივი მედიის მიერ.შეხვედრები ატარებდა დისკუსიის ხასიათს. სტუმრები დაინტერესდნენ ისეთი საკითხებით, როგორიცაა:  რა თანხა იხარჯება, საშუალოდ, მზრუნველობამოკლებული მოზარდის დამოუკიდებელი ცხოვრებისთვის მომზადებაზე, როგორ ხდება დასაქმებისთვის ახალგაზრდების მომზადება, რა კრიტერიუმებით ხდება ბენეფიციართა შერჩევა, როგორ ხდება კარიერის დაგეგმვა, რამდენ რეგიონში ხორციელდება პროექტი და კონკრეტულად დასავლეთ საქართველოში რამდენ მზრუნველობამოკლებულ მოზარდს ეხმარება ფონდი," - აღნიშნავს „ფონდი ნატახტარის" ფსიქოლოგიური სამსახურის ხელმძღვანელი  მანანა ომარაშვილი.

შეხვედრებში აქტიური მონაწილეობა მიიღეს როგორც მცირე საოჯახო ტიპის სახლების მენეჯერებმა, დამსაქმებლებმა და თავად ბენეფიციარებმა, რომლებიც უკვე წარმატებით ახერხებენ დამოუკიდებლად ცხოვრებას.

ნატახტარის ფონდში თანხის შეგროვება 17 მაისს დაიწყო და 17 აგვისტოს დასრულდება. როგორც მანანა ომარაშვილმა განმარტა, თუ რამდენი მზრუნველობამოკლებული  მოზარდი და ახალგაზრდა მიიღებს სექტემბრიდან დაფინანსებას, დამოკიდებულია გაყიდული ლიმონათის რაოდენობაზე. ამიტომ მნიშვნელოვანია საზოგადოების აქტიურად ინფორმირება ფონდის მიღწევების და ბენეფიციართა საჭიროებების შესახებ.

საქველმოქმედო პროექტის ფარგლებში 5 წლის მანძილზე ფონდში 587 857 ლარი შეგროვდა. აღნიშნული თანხა "ნატახტარის" ლიმონათის თითოეული გაყიდული ბოთლიდან (შეფუთვის მიხედვით) 1,3 და 5 თეთრის მობილიზებით შეგროვდა. აღნიშნული თანხიდან 200-ზე მეტ მოზარდს  სხვადასხვა ტიპის მომსახურება გაეწია, რათა მათ მომავალში ადვილად შეძლონ დასაქმება.

მსგავსი ტიპის საინფორმაციო შეხვედრები გაიმართება მარნეულში, თელავში,გორსა და ახალციხეშიც, რომელიც 30 ივლისს დასრულდება.

კომპანია „ნატახტარმა" 2011 წლის ნოემბერში, დააფუძნა „ფონდი ნატახტარი" და  დაიწყო საქველმოქმედო პროექტის „იზრუნე მომავალზე" განხორციელება. ყოველი წელს, 3 თვის განმავლობაში „ნატახტარის ლიმონათის" თითოეული გაყიდული ბოთლიდან ფონდში ირიცხება 1, 3 და 5 თეთრი (შეფუთვების შესაბამისად).  5 წლის განმავლობაში ფონდში შეგროვდა 587857 ლარი და 200-ზე მეტ მოზარდს გაეწ სხვადასხვა ტიპის მომსახურება განათლებისა და დასაქმების კუთხით. პროექტი ხორციელდება არასამთავრობო ორგანიზაცია „ჩვენი სახლი - საქართველოს" მხარდაჭერით და საქართველოს პატრიარქის თანადგომითა და ლოცვა-კურთხევით.

ნინო სურმავა

577188809

nino.surmava@ge.anadoluefes.com   

კახა მაღრაძე

599322025

k.magradze@gepra.ge