ინფექციონისტი ალექსანდრე გოგინავა არსებულ ეპიდვითარებას მძიმედ მიიჩნევს და მოსახლეობას ვაქცინაციისა და რეკომენდაციების დაცვისკენ კიდევ ერთხელ მოუწოდებს.

„ჯერჯერობით, ეპიდსიტუაცია მძიმე რჩება. ამაზე მიუთითებს ის მაჩვენებლები, რომლებიც ყოველდღიურად გვაქვს. მძიმე პაციენტების რაოდენობა ისევ დიდია და ჰოსპიტლები მაქსიმალური დატვირთვით მუშაობენ. რაც შეიძლება მეტად უნდა დავიცვათ რეკომენდაციები. განსაკუთრებით, ეს სადღესასწაულო დღეებს ეხება. ზოგადად, ვაქცინაცია ძალიან დაბალი ტემპით მიმდინარეობს, მათ შორის - ბუსტერ დოზების გაკეთებაც“, - აცხადებს ალექსანდრე გოგინავა.