„ჩვენ ვამბობთ, - დამნაშავე უნდა დაისაჯოს! დამნაშავეები გვპასუხობენ, - შევრიგდეთ!“- ამის შესახებ საზოგადოებრივი მაუწყებლის ბორდის წევრი და ჟურნალისტი ბონდო მძინარაშვილი სოციალურ ქსელში პოსტს აქვეყნებს.

„შერიგებაო, შერიგებაო!..

კაცო, როდის ვიჩხუბეთ?!

ჩვენ ვამბობთ, - დამნაშავე უნდა დაისაჯოს!

დამნაშავეები გვპასუხობენ, - შევრიგდეთ!

ასეთი რამ სად გსმენიათ?!

მიტევებაო, მიტევებაო!..

ჩვენ ვეკითხებით, - ეგ როგორ, ჩადენილს ნანობთ?!

დამნაშავეები გვპასუხობენ, - არა, მოსანანიებელი არაფერი გვაქვს!

ასეთი რამ სად გსმენიათ?!

სად გაგონილა, დამნაშავესთან შერიგება და სინანულის გარეშე მიტევება?!“- წერს ბონდო მძინარაშვილი.