„უკვე 2-3 კვირაში უფრო მეტი დაავადებული გვეყოლება, ვინაიდან „ომიკრონი“ 3-ჯერ მეტად გადაეცემა, ვიდრე მისი წინამორბედი შტამები,“ - ამის შესახებ „ქრონიკას“ მაია ჩხაიძემ განუცხადა.

ციციშვილის კლინიკის სამედიცინო დირექტორის თქმით, განსაკუთრებული სამიზნე ამ შემთხვევაშიც ბავშვები არიან.

„ავადობის 10 პროცენტი ბავშვებში წლამდე ასაკზე მოდის და ჰოსპიტალიზაციის პროცენტი მსოფლიოში 20%-თაა გაზრდილი. რაც შეხება ჰოსპიტალურ სექტორს, ამ ეტაპზე 7 კლინიკაა ჩართული კოვიდმიმღებად და ამ 7 კლინიკიდან რა საწოლებიცაა კლინიკის ბაზაზე მაქსიმალურად ათვისებულია. არ ვიცი რამდენად შეიძლება სახელმწიფო დამატებითი საწოლების გამოყოფას“, - განაცხადა მაია ჩხაიძემ.

საქართველოში „ომიკრონის“ შტამით ინფიცირების პირველი შემთხვევები 20 დეკემბერს გამოვლინდა.