„მე თქვენ დაგასრულებთ“ და ლოგიკურად დამთავრდა „მე თქვენთან გავრიგდები“ „დანაშაულებრივ და და ანტისახელმწიფოებრივ ძალასთან (რამდენი ათასი მომხრეც არ უნდა ჰყავდეს) გარიგება არის იმის ინდიკატორი, რომ მათი მოკავშირე ხარ ამ ყველაფერში“, - წერს ექსპერტი ზაალ ანჯაფარიძე, რითაც ეხმაურება ჩხოროწყუში განვითარებულ მოვლენებს, სადაც საკრებულოს თავმჯდომარედ გიორგი გახარიას პარტიის წევრი, შოთა წურწუმია აირჩიეს.

„როგორც უკვე ვწერდი, გიორგი გახარიას მეტამორფოზა „ნაცმოძრაობასთან“ მიმართებაში დაიწყო „მე თქვენ დაგასრულებთ“ და ლოგიკურად დამთავრდა „მე თქვენთან გავრიგდები“. ვიცი, რომ მისი პარტიის წევრები და მომხრეები ახლა დაიწყებენ აპელირებას მაღალ მატერიებსა და „სახელმწიფოებრივ“ ინტერესებზე, მაგრამ ამით ვერ გადაფარავენ მთავარს. დანაშაულებრივ და ანტისახელმწიფოებრივ ძალასთან (რამდენი ათასი მომხრეც არ უნდა ჰყავდეს) გარიგება არის იმის ინდიკატორი, რომ მათი მოკავშირე ხარ ამ ყველაფერში. როგორც იტყვიან „თითოეულისა საქმენი განშიშვლდნენ!“ - წერს Facebook-ზე ანჯაფარიძე.