პეკინის ზამთრის ოლიმპიადის ორგანიზატორების განცხადებით, ისინი თამაშებში მონაწილე სპორტსმენებს „მკაცრად მოსთხოვენ“,  რომ ყველა მათგანმა ქვეყანაში ჩასვლამდე მიიღოს „კოვიდ-19“-ის საწინააღმდეგო ბუსტერ-დოზა.

ოლიმპიური თამაშების კომიტეტის უფროსის მოადგილემ, ჰუანგ ჩუნმა განაცხადა, რომ ჩინეთმა და ოლიმპიური თამაშების საერთაშორისო კომიტეტმა სრულ თანხმობას მიაღწიეს აღნიშნულ საკითხში.

ჰუანგ ჩუნგის თქმით, ბევრი ქვეყანა  უკვე დადებითად გამოეხმაურა  აღნიშნულ გადაწყვეტილებას - რომ უნდა მოხდეს ყველა ათლეტის ბუსტერ-დოზებით იმუნიზაცია.

შეგახსენებთ, რომ პეკინის ზამთრის ოლიმპიური თამაშების დაწყებამდე  ერთ თვეზე ნაკლები რჩება, რის გამოც მთავრობა, ახალი შტამის გავრცელების თავიდან ასაცილებლად,  ვიზიტორების მიმართ რეგულაციებს კიდევ უფრო ამკაცრებს.