ანალიტიკოსმა მამუკა არეშიძემ „ნაციონალური მოძრაობის“ მმართველობის დროს თემურ ალასანიას სახელმწიფო საქმეებში ჩარევაზე გადაცემაში „იმედი LIVE“ ისაუბრა. მისი თქმით, ყოფილი პრეზიდენტის ბიძის ჩარევა სხვადასხვა საქმეში კახა ბენდუქიძის აღშფოთებას იწვევდა, ზურაბ ჟვანიასთან კი ალასანიას მწვავე დაპირისპირება ჰქონდა.

„მაგალითად, ბენდუქიძისგანაც მომისმენია აღშფოთება იმის გამო, რომ ალასანია ეკონომიკაში ღრმად ყოფს ცხვირს, განსაკუთრებით პრივატიზაციის საკითხი. ვარდების რევოლუციის შემდგომ პერიოდში აკლებული ჰქონდა აქაურობა [ალასანიას]. ვიცით რომ რამდენჯერმე მწვავე დაპირისპირება მოუვიდა მას პირადად ზურაბ ჟვანიასთან სხვადასხვა თემასთან დაკავშირებით, მაგალითად აეროპორტის თემასთან დაკავშირებით. თემურ ალასანიასთან დაპირისპირებას გულისხმობენ, როდესაც ლაპარაკობენ ჟვანიას ძალადობრივ სიკვდილზე. ამის დასაბუთება ნამდვილად არ შემიძლია, მაგრამ მისი მეგობრები, რომლებიც თვლიან რომ ჟვანია არის ძალადობის მსხვერპლი, თემურ ალასანიასკენაც იშვერენ თითს“, - განაცხადა არეშიძემ.