ყაზახეთში ახალი მთავრობა დაამტკიცეს. შესაბამის ბრძანებას ხელი მოაწერა ქვეყნის პრეზიდენტმა ყასიმ-ჟომართ თოყაევმა.

პრემიერ-მინისტრის თანამდებობა ალიხან სმაილოვმა დაიკავა, რომელიც წინა მთავრობაში პირველი ვიცე-პრემიერი იყო.

თანამდებობები შეინარჩუნა რამდენიმე ძველმა მინისტრმა. ცვლილებები არ შეეხო შინაგან საქმეთა, საგარეო საქმეთა, ფინანსთა, თავდაცვის და სოფლის მეურნეობის სამინისტროებს. ახალი ხელმძღვანელები ეყოლება ინფორმაციის, ენერგეტიკის და ინდუსტრიის სამინისტროებს.