საქართველოს პრემიერ-მინისტრის მიერ ინიცირებული პროგრამის „განახლებული რეგიონების“ ფარგლებში, აჭარის ყველა მუნიციპალიტეტში ინფრასტრუქტურული პროექტების განხორციელება აქტიურ ფაზაშია. პროექტის ფარგლებში მიმდინარეობს ქობულეთის სანაპირო ზოლის კეთილმოწყობაც.

ქობულეთის სანაპირო ზოლის პროექტის მიმდინარეობას აჭარის მთავრობის თავმჯდომარე თორნიკე რიჟვაძე ქობულეთის მერთან ლევან ზოიძესთან ერთად ადგილზე გაეცნო. ქობულეთი ზაფხულის ტურისტულ სეზონს განახლებული ბულვარით შეხვდება.

ქობულეთის სანაპირო ზოლზე მიმდინარე სამუშაოები აჭარის მთავრობის თავმჯდომარესთან ერთად ქობულეთის მაჟორიტარმა დეპუტატმა და ქობულეთის საკრებულოს წევრებმა მოინახულეს.