ჟურნალისტი, იოსებ ჭუმბურიძე სოციალურ ქსელში შემდეგი სახის სტატუსს აქვეყნებს:

„სააკაშვილი საცოდავია!

არა იმიტომ, რომ პატიმარია;

არა იმიტომ, რომ თავს დავით აღმაშენებელსა და ზვიად გამსახურდიას უტოლებს...

უფრო - იმის გამო, რაც გუშინ უთქვამს.

***

როგორ გავიმეორო?!

უნდა გავიმეორო!

ტილიანი საქართველოო?!

***

კიდევ კარგი, რომ ამას ანა ვერ მოისმენდა!

მაგრამ...

მართლა ვერ მოისმენდა?!

***

სააკაშვილი საცოდავია!

მას ეს არ ასწავლეს:

„შენ ისე ღრმა ხარ,

ქართულო ცაო,

შენ ისე

ღრმა ხარ"...

***

სხვათა შორის, როცა ანა გარდაიცვალა, კახეთში ბრძანდებოდა. მისცვივდნენ პრეზიდენტს ტელეკამერები და ჟურნალისტები...

იმან კი მორიგი კურიოზი დაიმართა:

დღესაც ყურში ჩამესმის მისი სტრიქონებიო და...გალაკტიონისა წარმოთქვა: „ატმის რტოო, დაღალულო რტოო"...

***

მაშინ მოსწრებულად იხუმრა მაყვალა გონაშვილმა, - ეტყობა, ხეზე დაწერილი ყველა ლექსი ანასი ჰგონიაო...

აი, ამ ხუმრობაში კი ნამდვილად ეკუთვნოდა რუსთაველის პრემია!

***

სააკაშვილს დავუბრუნდეთ.

ცოდოა თუ საცოდავი?

მან ხომ ამ ორ სიტყვას შორის განსხვავებაც არ იცის?!

ანუ ორივეა.“ - წერს იოსებ ჭუმბურიძე.