სოციალური მომსახურების სააგენტო სამტრედიაში, სოციალური მომსახურების სერვის ცენტრში კაცის გარდაცვალებასთან დაკავშირებით განცხადებას ავრცელებს. სააგენტოში განმარტავენ, რომ გარდაცვლილ მოქალაქეს არ ჰქონდა სოციალურად დაუცველის სტატუსი და ის სოციალური დახმარების მიმღები პირი არ იყო.

„აქვე დამატებით გაცნობებთ, რომ სოციალური მომსახურების სააგენტოს სერვის ცენტრში გამოძახებული იყო სასწრაფო სამედიცინო დახმარების ბრიგადა, რომელიც შემთხვევის ადგილზე გამოძახებიდან 6 წუთში მივიდა. ადგილზე მისულ ეკიპაჟს კი მოქალაქე გარდაცვლილი დახვდა“, - აღნიშნულია განცხადებაში.