„სპეციალურმა საკონკურსო კომისიამ პრეზიდენტს ცესკოს თავმჯდომარეობის 3 კანდიდატი წარუდგინა“, - ამის შესახებ „ქრონიკას“ სპეციალური საკონკურსო კომისიის მდივანმა, ნატალია ხოხიაშვილმა განუცხადა.

„კომისიამ ვიმსჯელეთ და თავმჯდომარეობის კანდიდატად შეირჩა სამი კანდიდატი, მათ შორის არის გიორგი კალანდარიშვილი, თამაზ ფოლადაშვილი და გიორგი თევზაძე, რომელიც არასამთავრობო სექტორის წარმომადგენელია. წევრობაზე კი შევარჩიეთ 4 კანდიდატი“, - განაცხადა კომისიის მდივანმა.

პრეზიდენტმა სალომე ზურაბიშვილმა საქართველოს ცენტრალური საარჩევნო კომისიის თავმჯდომარეობისა და წევრობის კანდიდატების სია 13 იანვარს გამოაქვეყნა, კომისიის წევრებთან კანდიდატების გასაუბრება კი 14 იანვარს გაიმართა.