„საქართველოს პარლამენტის თავმჯდომარე შალვა პაპუაშვილი ვესტმინსტერის დემოკრატიის ფონდის რეგიონულ დირექტორს, ქრისტოფერ ლევიკს და ფონდის გარემოსდაცვითი დემოკრატიის პროგრამის წარმომადგენლებს შეხვდა“, - ამის შესახებ ინფორმაციას პარლამენტის პრესსამსახური ავრცელებს.

მათივე ინფორმაციით, პარლამენტის თავმჯდომარემ ქრისტოფერ ლევიკს მადლობა გადაუხადა ვესტმინსტერის დემოკრატიის ფონდის მიერ საქართველოსა და პარლამენტში განხორციელებული და მიმდინარე პროგრამებისთვის.

მხარეებმა ისაუბრეს საქართველოს პარლამენტის გეგმებსა და პრიორიტეტებზე და ამ მიმართულებებით ფონდთან თანამშრომლობის შესაძლებლობებზე.