„სწორედ ერთიანობით შევძელით, რომ ასეთი მავნებლური და ბოროტი ძალა ყოველთვის მარცხდება“, - ასე ეხმაურება საპარლამენტო უმრავლესობის წევრი, მიხეილ ყაველაშვილი „ქართული ოცნების“ თავმჯდომარის, ირაკლი კობახიძის მიერ სოციალურ ქსელში გამოქვეყნებულ პოსტს, სადაც იგი მისი პარტიის თავმჯდომარეობის ერთი წლის შედეგებზე საუბრობს.

მისი თქმით, ირაკლი კობახიძე ყოველთვის წარმატებული იყო.

„შესაძლოა, ოპოზიციურ ფლანგზე ბევრს აღიზიანებს ირაკლის ასეთი პირდაპირი და შემართებითი დამოკიდებულებები. ის არ არის მარტო, ჩვენ გუნდი ვართ და ყველაზე ნათლად ჩანს, რომ ის არის გუნდის ლიდერი და ჩვენ ვართ ერთიანი გუნდი. სწორედ ერთიანობით შევძელით, რომ ასეთი მავნებლური და ბოროტი ძალა ყოველთვის მარცხდება“, - განაცხადა მიხეილ ყაველაშვილმა.