„რესპუბლიკური საავადმყოფოს რეანიმაციულ განყოფილებაში მოთავსებული პაციენტებიდან ვაქცინირებული ერთი პროცენტიც კი არ არის“, - ამის შესახებ რესპუბლიკური საავადმყოფოს დირექტორის მოადგილემ ჯავარა უგრეხელიძემ განაცხადა.

მისი თქმით, საავადმყოფოში არსებული 350 საწოლიდან ამჟამად 170 დაკავებულია, მათგან 50 საწოლი კი ინტენსიური და რეანიმაციული მოვლისაა, დანარჩენი - თერაპიული.

„რეანიმაციულ განყოფილებაში მოთავსებული პაციენტების მხოლოდ 0,8%-ია ვაქცინირებული. ბუსტერ დოზაზე აღარ ვსაუბრობთ! ვაქცინირებული ერთი პროცენტიც კი არ არის, რაც ვირუსთან ბრძოლაში მნიშვნელოვანი ფაქტორია. აღნიშნული არავაქცინირებულებში მძიმე ვითარებაზე მიუთითებს“, - განაცხადა ჯავარა უგრეხელიძემ.