ანალიტიკოს დავით ქართველიშვილის განცხადებით, პატიმარმა მიხეილ სააკაშვილმა ექსპრემიერ გიორგი გახარიას ახალი დავალების შესრულება დააკისრა. ასე აფასებს ქართველიშვილი წალენჯიხის საკრებულოში გახარიას პარტიისა და „ნაცმოძრაობის“ თანამშრომლობას.

„ძირითადი ამოცანა - „ოცნებისთვის“ ე.წ. სარეფერენდუმო ნიშნულისთვის არჩევნებზე შედეგის დაწევა - გიორგი გახარიამ ნაწილობრივ შეასრულა და ხმების 10%-მდე „ოცნებას“ წაართვა, მაგრამ ღარიბაშვილი-კობახიძის ტანდემმა ეს ხელოვნურად შექმნილი დეფიციტი თავისუფლად გადალახა. ამჟამად პატიმარმა სააკაშვილმა გახარიას მეორე ტიპის დავალების შესრულება დააკისრა, რომელმაც ორიოდე დღის წინ ციხიდან მიმართა საკრებულოების დეპუტატებს“, - აცხადებს ქართველიშვილი.