„ბატონი გახარიას რომელი აქტივობა ნახეთ ბოლოს, გარდა იმისა როდესაც ტელეფონით უთხრა მისი პარტიის წარმომადგენლებს, რომ „ნაციონალურ მოძრაობასთან“ ქორწინების აქტისთვის უნდა მოეწერათ ხელი“, - ასე უპასუხა კითხვაზე, უქმნის თუ არა პრობლემას გიორგი გახარია „ქართულ ოცნებას“ „პალიტრანიუსის“ ეთერში საპარლამენტო უმრავლესობის წვერმა, ალუდა ღუდუშაურმა.

„ხელის გულზეა, როგორ პოლიტიკურ ქორწინებაშია „ნაციონალური მოძრაობა“ და გახარიას პარტია - მშვიდობაში მოახმაროს ღმერთმა „ნაციონალურ მოძრაობასაც“ გახარია და გახარიასაც სააკაშვილი თავისი „ნაციონალური მოძრაობით“, - განაცხადა ალუდა ღუდუშაურმა.

მისივე თქმით, მას შემდეგ, რაც არჩევნების შედეგები დაიდო, ყველამ დაინახა, რა მხარდაჭერა ჰქონდა გიორგი გახარიას.

„ლაიქებით“ ითვლიდნენ მის რეიტინგებს, ხიბლში იყვნენ ჩავარდნილები, თითქოს განუზომელი მხარდაჭერა ჰქონდა. რეალობისგან მოწყვეტილი განცდა ჰქონდათ“,- განაცხადა ალუდა ღუდუშაურმა.