აშშ-ის პრეზიდენტმა უკრაინის წინაღმდეგ რუსეთის აგრესიული ქმედებების განსახილველად ეროვნული უსაფრთხოების გუნდთან შეხვედრა გამართა.

ამის შესახებ თეთრი სახლი „ტვიტერის“ მეშვეობით ავრცელებს ინფორმაციას.

„დღეს, პრეზიდენტი ბაიდენი შეხვდა ეროვნული უსაფრთხოების გუნდს, უკრაინის მიმართ რუსეთის აგრესიული ქმედებების განსახილველად. მან დაადასტურა, რომ თუ რუსეთი შეიჭრება უკრაინაში, შეერთებული შტატების და მისი მოკავშირეების, პარტნიორების მხრიდან მიიღებს სწრაფ და მძიმე შედეგებს“, – ნათქვამია თეთრი სახლის განცხადებაში.