ტაჯიკეთსა და ყირგიზეთს შორის საზღვარზე ორი ქვეყნის მესაზღვრეებს შორის შეიარაღებული შეტაკება მოხდა.

ოფიციალური ბიშკეკი აცხადებს, რომ ტაჯიკურმა მხარემ ცალმხრივად გადაკეტა გზის მონაკვეთი ორ ქვეყანას შორის სადავო ტერიტორიაზე, რამაც კონფლიქტი გამოიწვია. თავის მხრივ, ტაჯიკური მხარე აცხადებს, რომ სროლა ყირგიზელმა მესაზღვრეებმა დაიწყეს, რის შემდეგაც, მათ საპასუხო ცეცხლი გახსნეს.

გავრცელებული ინფორმაციით, ინციდენტის შედეგად, ორივე მხარეს დაშავებულები არიან. ასევე ვრცელდება ინფორმაცია, რომ ინციდენტს ერთი სამოქალაქო პირი ემსხვერპლა.

ყირგიზეთში აცხადებენ, რომ ტაჯიკური მხარე საზღვართან სამხედრო და მძიმე ტექნიკის მობილიზებას ახდენს. ყირგიზეთის ხელისუფლებამ საზღვართან მდებარე სოფლებიდან მოსახლეობის ევაკუაცია დაიწყო.