„უკრაინის მხარდამჭერ რეზოლუციაში აბსოლუტურად ყველაფერია ნათქვამი, რაც მასში უნდა ყოფილიყო“, - ამის შესახებ პარტია ქართული ოცნების“ თავმჯდომარემ ირაკლი კობახიძემ ჟურნალისტებს განუცხადა.

მან კომენტარი გააკეთა უკრაინის მხარდამჭერ რეზოლუციასთან დაკავშირებით, რომელსაც ხვალ დეპუტატები ბიუროზე განიხილავენ.

„ამ რეზოლუციას აქვს კონკრეტული მიზანი და ეს მიზანია, ჩვენ გამოვხატოთ კონკრეტული პოზიცია იმ მოვლენებთან დაკავშირებით, რომელიც უკრაინის გარშემო ვითარდება. ამ რეზოლუციაში ყველაფერია ნათქვამი, რაც მასში უნდა ყოფილიყო და ეს არის ჩვენი პოზიცია. რეზოლუციაში აბსოლუტურად ყველაფერია ნათქვამი“, - დასძინა კობახიძემ.