„კიდევ ომი, კიდევ ჩაბარებული სოფლები და დაღუპული ახალგაზრდები, ხოლო თქვენ კიდევ გაქცეულები ბაქოში, სადაც ყველას თითქმის ბინები გაქვთ ნაყიდი“, - ასე ეხმიანება ანალიტიკოსი ირაკლი ლატარია ოპოზიციის შეშფოთებას რუსი ოპოზიციონერი პოლიტიკოსის დიმიტრი გუდკოვის საქართველოში არ შემოშვებასთან დაკავშირებით.

„რატომ არ შემოუშვით გუდკოვიო? ბარემ პუტინი შემოგვეშვა? თუმცა, თქვენ ეგეც გინდათ, ეგ ხომ თქვენი ოცნებაა? კიდევ ომი, კიდევ ჩაბარებული სოფლები და დაღუპული ახალგაზრდები, ხოლო თქვენ კიდევ გაქცეულები ბაქოში, სადაც ყველას თითქმის ბინები გაქვთ ნაყიდი... გუდკოვი 2007 წელს ითხოვდა ოკუპირებული აფხაზეთის დამოუკიდებლობის აღიარებას და უნდა შემოგვეშვა? რატომ? იმიტომ, რომ თქვენც რუსეთის წარმომადგენლობა ხართ და მაგიტომ? გოგი ხოშტარიას შვილი, „მგიმოელი“ ელენე, რომელსაც სერგეი ლავროვის დაწერილი ჰიმნი შიგ სულში უზის თურმე ყოფილა შეშფოთებული გუდკოვის საკითხზე. საზოგადოება გაიზარდა, საზოგადოება დაფიქრდა და ზუსტად იცის ყველამ, რომ თქვენ ხართ რუსული პარტია, რუსეთის ყველაზე წარმატებული აგენტურა!“ - წერს ლატარია facebook-ზე.