„რა ვქნა... მიყვარს ეს იროდიონი „ცისფერი მთებიდან“. მთელი ფილმი რომ ვერ გაურკვევია, ის „აქ“ არის, თუ „იქით?“, შვებულებაში უკვე გასულია „ფაქტიურად“, თუ დაბრუნებულია უკვე იქიდან? შარვალი გაერღვა ბოლო-ბოლო თუ ეს გამსკდარი ბიაზის ხმა იყო?“ - ასე ეხმიანება ექსპერტი დავით ქართველიშვილი ნიკა მელიას მიერ სხვადასხვა დროს გაკეთებულ განცხადებებს სააკაშვილის ჩამოსვლასთან დაკავშირებით.

„ბიაზი რომ გასკდა თქვენს თავზე ნიკანორ - ეს ხომ ყველაზე უკეთ შენ იცი. ხოლო ამ ვიდეომ ჩემს ლექციებზე შენი მასალის მოყოლის მანერა გამახსენა - ერთ წინადადებაში ერთმანეთის გამომრიცხავ სამ მოსაზრებას ბოლო ინსტანციის ჭეშმარიტებად რომ ასაღებდი“, - წერს ქართველიშვილი Facebook-ზე და ვიდეოს აქვეყნებს.