„როდის იყვნენ ერთად და საიდუმლოდ? ან რა დოკუმენტით შეთანხმდნენ დასახელებულ 25 წელიწადზე?“ - წერს Facebook-მომხმარებელი ნინო ფოჩხუა, რომელიც სააკაშვილის განცხადებას ეხმიანება, თითქოს მან დაარწმუნა ლუკაშენკო, არ ეღიარებინა ოკუპირებული ტერიტორიები.

„ანუ ბრიტანეთის დაზვერვამ ხელი შეუწყო ლუკაშენკოსა და სააკაშვილის შეხვედრას რუსეთის პოზიციის წინააღმდეგ და სააკაშვილმა დაარწმუნა ლუკაშენკო, არ ეღიარებინა ოკუპირებული ტერიტორიები. ანუ რას გვეუბნება ამით, დღევანდელი მთავრობა არ ხვდება, გაიბუტება ლუკაშენკო და ჩემთან დადებულ პირობას დაარღვევსო? ლუკაშენკომ უღალატაო რუსეთს, ეს საიდუმლო 25 წელი უნდა შემენახაო, მაგრამ დღეს ვარღვევ პირობას და ლუკაშენკო „ჩავუშვი“ მოსკოვთანო? ან როდის იყვნენ ერთად და საიდუმლოდ? ან რა დოკუმენტით შეთანხმდნენ დასახელებულ 25 წელიწადზე?“ - წერს ფოჩხუა.