„პერსონალურ მონაცემთა დაცვის სამსახურის ფუნქციონირება მნიშვნელოვანია სამართლებრივი სახელმწიფოსთვის და ადამიანის ძირითადი უფლებებისა და თავისუფლებების დაცვისათვის“, - ამის შესახებ პერსონალურ მონაცემთა დაცვის სამსახურის ხელმძღვანელობის კანდიდატმა, ლელა ჯანაშვილმა განაცხადა.

„სახელმწიფო ინსპექტორის სამსახურის უფლებამონაცვლე პერსონალურ მონაცემთა დაცვის სამსახური წარმოადგენს გამოწვევას თანამედროვე ბიუროკრატიული საზოგადოებისთვის. ამ სამსახურის ფუნქციონირება მნიშვნელოვანია სამართლებრივი სახელმწიფოსთვის, ადამიანის ძირითადი უფლებებისა და თავისუფლებების დაცვისათვის“, - აცხადებს ჯანაშვილი.

ადამიანის უფლებათა დაცვისა და სამოქალაქო ინტეგრაციის კომიტეტმა პერსონალურ მონაცემთა დაცვის სამსახურის უფროსის თანამდებობაზე ასარჩევ კანდიდატებს მოუსმინა.