ფოთში, ახალ რაიონში, ერთ-ერთი საცხოვრებელი კორპუსის საკანალიზაციო სისტემის მილში ახალშობილის ცხედარი იპოვეს.

ადგილობრივი ინფორმაციით, კანალიზაციის მილმა წყალი არ გაატარა, რის გამოც სპეციალისტები გამოიძახეს. გაწმენდითი სამუშაოების დროს კი მილში ჩვილის ცხედარი იპოვეს.

ადგილობრივები ვარაუდობენ, რომ ქალმა ბინაში იმშობიარა და სავარაუდოდ, თავიდან მოშორების მიზნით საკანალიზაციო მილში ჩააგდო.

შემთხვევის ადგილზე ექსპერტ-კრიმინალისტები მუშაობენ, ასევე მობილიზებული არიან პოლიციის ეკიპაჟები, რომლებიც საგამოძიებო მოქმედებებს აწარმოებენ.