ირაკლი ღარიბაშვილი, მსოფლიო ლიდერებთან ერთად, დღეს მიუნხენის უსაფრთხოების კონფერენციაში მიიღებს მონაწილეობას.

საქართველოს პრემიერ-მინისტრი კონფერენციაში მონაწილეობის მისაღებად, მიუნხენის უსაფრთხოების კონფერენციის თავმჯდომარემ ვოლფგანგ იშინგერმა მიიწვია.

კონფერენციის ფარგლებში დაგეგმილია პრემიერის მაღალი დონის ორმხრივი შეხვედრები, როგორც პოლიტიკურ დონეზე, ასევე ბიზნესწრეების წარმომადგენლებსა და უმსხვილესი კომპანიების პირველ პირებთან.

მიუნხენის უსაფრთხოების კონფერენცია მსოფლიოს წამყვანი ფორუმია საერთაშორისო უსაფრთხოების პოლიტიკის განსახილველად, რომელიც ყოველი წლის თებერვალში თავს უყრის 450-ზე მეტ გადაწყვეტილების მიმღებ მაღალჩინოსანსა და ლიდერს მთელი მსოფლიოდან, რომლებიც საერთაშორისო უსაფრთხოების პოლიტიკის ყველაზე აქტუალურ საკითხებს განიხილავენ. უსაფრთხოების კონფერენცია მიუნხენში 18- დან 20 თებერვალის ჩათვლით იმართება.