თბილისის საკრებულოს წევრი ვლადიმერ ბოჟაძე ალექსეი გონჩარენკოს განცხადებას ეხმიანება, რომელმაც ქართველებს ცხინვალსა და სოხუმში ტანკით შეჭრისკენ მოუწოდა.

მისი თქმით, გონჩარენკო „ნაციონალურ მოძრაობას“ ახმოვანებს და რადიკალური ოპოზიციის სურვილს აჟღერებს.

„ალექსეი გონჩარენკომ დაწერა ის, რაც ,,ნაციონალურმა მოძრაობამ“ გაუგზავნა, რეალურად გაახმოვანა ის, რაც ახლა სასიცოცხლოდ ჭირდება საქართველოში რადიკალურ ოპოზიციას და რუსეთს! უკრაინაში რუსეთის მეხუთე კოლონის წარმომადგენელი რომელიც რუსული ენის მეორე სახელმწიფო ენად გამოცხადებას ითხოვდა, იყო ყველა პარტიის წევრი რომელსაც რუსეთი ეყრდნობოდა, დღეს აქტიურად თანამშრომლობს აქაურ მეხუთე კოლონასთან, ლანძღავს საქართველოს მთავრობას და პროვოკაციისკენ მოგვიწოდებს. რუსეთი ვერ გაიმარჯვებს! რუსეთი ოკუპანტია!“ - წერს ვლადიმერ ბოჟაძე Facebook-ზე.