უკრაინის თავდაცვის სამინისტრო გენერალ-პოლკოვნიკი ალექსანდრ სირსკის განცხადებას აქვეყნებს. ის საომარ მდგომარეობაში მყოფი დედაქალაქის თავდაცვაზეა პასუხისმგებელი.

„მტერი აგრძელებს მცდელობებს, გაარღვიოს კიევის თავდაცვა. რუსული ჯარების კოლონებმა არაერთხელ სცადეს დედაქალაქის გარეუბანზე შეტევა. მტრის ძალების ყველა მოძრაობა კონტროლის ქვეშ იყო და დროული გადაწყვეტილებები მივიღეთ. ჩვენი სამშობლოს დედაქალაქში ვითარება კონტროლს ექვემდებარება. რუსეთის საოკუპაციო ძალების მიერ მიზნის მიღწევის ყველა მცდელობა ჩაიშალა. განადგურდა საოკუპაციო ტექნიკა, მტერმა მნიშვნელოვანი საკადრო დანაკარგები განიცადა. რუსული ჯარები დემორალიზებულები და გამოფიტული არიან. ჩვენ ვაჩვენეთ, რომ ვიცით, როგორ დავიცვათ ჩვენი სახლი დაუპატიჟებელი სტუმრებისგან“, - ამბობს გენერალ-პოლკოვნიკი.