საქართველოს პრეზიდენტი ესპანეთის პრემიერ-მინისტრ პედრო სანჩესს ესაუბრა. ამის შესახებ სალომე ზურაბიშვილი სოციალურ ქსელში წერს.

როგორც პრეზიდენტი აღნიშნავს, უკრაინის მხარდასაჭერად ევროპული ერთობა აუცილებელია.

„პირდაპირი და გულთბილი საუბარი მქონდა ესპანეთის პრემიერ-მინისტრ პედრო სანჩესთან. რუსული აგრესია ჩვენთვის ყველასთვის მღელვარების საგანია.

უკრაინის მხარდასაჭერად ევროპული ერთობა აუცილებელია. ეს მხარდაჭერა უნდა გავრცელდეს საქართველოსა და მოლდოვაზე”, - წერს ზურაბიშვილი.