უკრაინის საგარეო საქმეთა სამინისტრო საქართველოს პრეზიდენტს, სალომე ზურაბიშვილს მხარდაჭერისთვის მადლობას უხდის.

უკრაინის საგარეო უწყებამ „ტვიტერის“ საკუთარ გვერდზე პრეზიდენტ ზურაბიშვილის დღევანდელი განცხადება გააზიარა, სადაც აღნიშნულია, რომ საქართველო უკრაინის გვერდით დგას და ეს ორი ქვეყანა აუცილებლად გახდება ევროპის ნაწილი.

„გულწრფელი მადლობა მეგობრული მხარდაჭერისთვის, საქართველო და უკრაინა ერთად“, – წერს უკრაინის საგარეო უწყება.

საქართველოს პრეზიდენტმა, სალომე ზურაბიშვილმა დღეს უკრაინას მხარდაჭერა კიდევ ერთხელ გამოუცხადა.