ბელარუსის ჯარები შევიდნენ ჩერნიგოვის რეგიონში. ინფორმაციას „უნიანი“ ავრცელებს.

უკრაინის სპეციალური კომუნიკაციებისა და ინფორმაციის დაცვის სახელმწიფო სამსახურის ცნობით, ინფორმაცია თავდაცვის ძალების „ჩრდილოეთის“ რეგიონალური დეპარტამენტის წარმომადგენელმა ვიტალი კირილოვმა დაადასტურა.

„ბელარუსი ჩაერთო ომში. ბელარუსის ჯარები შევიდნენ ჩერნიგოვის რეგიონში“, - ნათქვამია განცხადებაში.

სოფლების სლაბინის, პაკულის და მიხაილო-კოციუბინსკის მცხოვრებლები იუწყებიან სამხედრო ტექნიკის მოძრაობას, რომელზეც თეთრი წრეა დახატული.