„აღვადგენთ ყველა სახლს, ყველა ქუჩას, ყველა ქალაქს“, - ამის შესახებ უკრაინის პრეზიდენტმა ვოლოდიმირ ზელენსკიმ ბრიფინგზე განაცხადა და აღნიშნა, რომ რუსეთს სრულად მოუწევს იმის ანაზღაურება, რაც უკრაინის წინააღმდეგ ჩაიდინა.

პრეზიდენტ ზელენსკის თქმით, რუსეთი უკრაინის რწმენას ხალხსა და სამშობლოზე ვერ გაანადგურებს.

„რუსეთის სამიზნე იყო ხარკოვის მიძინების ტაძარი. ქალაქის ერთ-ერთი უძველესი მართლმადიდებლური ღირსშესანიშნაობა... უკრაინის ძეგლები. ომის დროს ტაძარი ხარკოველთა თავშესაფარია. წმინდა ადგილი.

ჩვენ აუცილებლად აღვადგენთ საკათედრო ტაძარს ისე, რომ იქ ომის არც ერთი კვალი არ დარჩეს და თუნდაც დაანგრიოთ ჩვენი უკრაინული ტაძრები და ეკლესია. თქვენ ვერ გაანადგურებთ ჩვენს გულწრფელ რწმენას. რწმენა უკრაინისა და ღმერთისა, რწმენა ხალხისა. ისწავლეთ სიტყვები „რეპარაცია“ {საერთაშორისო სამართლის სუბიექტის მატერიალური პასუხისმგებლობის ერთ-ერთი ფორმა, როდესაც სამართლის დამრღვევს მხოლოდ მატერიალური ზარალის ფულადი ან გარკვეული საქონლის ანაზღაურება მოეთხოვება} და „ანაზღაურება“, - განაცხადა ზელენსკიმ.