რუსმა ოკუპანტებმა ხერსონის დანაღმვა დაიწყეს, - ინფორმაციას უკრაინული მედია ხერსონის საოლქო სახელმწიფო ადმინისტრაციის ხელმძღვანელზე, გენადი ლაგუტაზე დაყრდნობით ავრცელებს.

„დაიწყეს ხერსონის დანაღმვა. თვითმხილველები ამბობენ, რომ მათ დაამონტაჟეს ნაღმები ქალაქის ცენტრში - სავაჭრო ცენტრ „Скифия“-ს შენობასთან. კიდევ სად ტოვებენ ასეთ „საჩუქრებს“, უცნობია“, - წერს გენადი ლაგუტა.

ლაგუტამ ქალაქის მცხოვრებლებს მოუწოდა, სიფრთხილე გამოიჩინონ, განსაკუთრებით იმ ადგილებში, სადაც მაღალი ბალახია.