საკონსტიტუციო სასამართლოს თავმჯდომარის გიორგი პაპუაშვილის განცხადებით,  მის წინააღმდეგ არსებული ფარული მასალები, რომელის გასაჯაროებითაც მას ემუქრებიან, ინტიმური ხასიათის არ არის.

ამის შესახებ პაპუაშვილმა ჟურნალისტებთან საუბარში განაცხადა:

„რაც შეეხება ვიდოემასალებს, ეს დაკავშირებულია იმასთან, თითქოს შეზარხოშებული რაღაც სიტყვებს ვხმარობ და მთლად ადეკვატურად არ ვიქცევი. არ არის ეს ინტიმური ცხოვრების კადრებთან დაკავშირებული. ფოტომასალები არ ვიცი ზუსტად რასთან იქნება დაკავშირებული, ყოველ  შემთხვევაში  რამე  მაკომპრომეტირებელი ბუნებაში არ არსებობს", - განაცხადა გიორგი პაპუაშვილმა.