უახლოეს მომავალში საქართველოს ჯანდაცვის მინისტრი, ზურაბ აზარაშვილი თურქეთში ჩავა. ვიზიტის მიზანი თურქეთიდან მედიკამენტების იმპორტის პროცესის დაჩქარებაა.

„შემდეგ კვირაში დაგეგმილია მინისტრის ვიზიტი თურქეთში, სადაც ადგილობრივი ჯანდაცვის მინისტრსა და რეგულაციის სააგენტოს ხელმძღვანელს შეხვდება, იმისთვის რომ ეს პროცესი მაქსიმალურად გამარტივდეს და გამჭვირვალე გახდეს. შესაბამისად, ამ ეტაპზე მოლოდინები არის ძალიან პოზიტიური“, - განმარტა ჯანდაცვის მინისტრის მოადგილემ, ილია ღუდუშაურმა.

თურქული ფარმაცევტული ბაზრიდან საქართველოში უკვე 30 დასახელების პრეპარატია შემოტანილი.