საპარლამენტო უმრავლესობის წევრმა გიორგი ვოლსკიმ განაცხადა, რომ 2008 წელს რუსული აგრესიის თავიდან აცილება წინა ხელისფლებამ ვერ შეძლო.

ასევე ვოლსკიმ აღნიშნა, რომ  ქვეყნის უსაფრთხოების უზრუნველყოფა საერთაშორისო პოლიტიკოსების აქტიურობით უნდა მოხდეს.

„რუსეთმა განახორციელა აგრესია, ტერიტორიების ოკუპაცია, რაც მისი სტრატეგიული გეგმების ერთ-ერთი  მნიშვნელოვანი ნაწილია და ძალიან მძიმედ ვიხსენებ იმ დანაშაულებრივ შეცდომებს, რაც იმ პერიოდის ხელისუფლებას გააჩნდა. ჩვენი ვალია, ვიმუშაოთ და სწორი ნაბიჯები გადავდგათ იმისათვის, რათა ტერიტორიული მთლიანობის აღდგენა მოხდეს", - განაცხადა ვოლსკიმ.