რუსეთის პრეზიდენტის პრესმდივანი დიმიტრი პესკოვი უკრაინაში რუსეთის შეიარაღებული ძალების სპეცოპერაციის შეჩერების პირობებს ასახელებს.

მისი თქმით, ოპერაცია შეიძლება დასრულდეს ნებისმიერ მომენტში, თუ უკრაინის ხელისუფლება კრემლის პირობებს შეასრულებს. საუბარია სამ პირობაზე: უკრაინამ კონსტიტუციურად უნდა თქვას უარი ნებისმიერ ბლოკში გაწევრიანებაზე; უკრაინამ უნდა აღიაროს ყირიმი რუსეთის ნაწილად; უკრაინამ უნდა აღიაროს ე.წ. დონეცკისა და ლუგანსკის სახალხო რესპუბლიკების დამოუკიდებლობა.

„მათ [უკრაინამ] კონსტიტუციაში უნდა შეიტანოს შესწორება, რომლის მიხედვითაც უკრაინა უარს იტყვის ნებისმიერ ბლოკში გაწევრიანებაზე. მათ ასევე უნდა აღიარონ ყირიმი რუსეთის ტერიტორიად, ხოლო დონეცკი და ლუგანსკი – დამოუკიდებელ სახელმწიფოებად“, – განაცხადა პესკოვმა.