რუსეთში სამხედრო-გამწვევ პუნქტს ცეცხლი წაუკიდეს. მომხდარის ამსახველი კადრები ტელეგრამ-არხების საშუალებით გავრცელდა. ვიდეომასალაში ხმაც ისმის. აქციის ერთ-ერთი მონაწილე ყვირის, რომ კარი უკრაინის დროშის ფერებში შეღება და დააწერა, რომ ძმების მოსაკლავად არ წავიდოდა.

ამ შეძახილის შემდეგ კაცი პუნქტის ღობეზე გადაძვრა, ფასადს ბენზინი შეასხა, ფანჯრები ჩალეწა და იქ მოლოტოვის კოქტეილი შეაგდო. ვიდეოკადრები თავად აქციის ანონიმმა ავტორმა გაავრცელა.