„რუსეთს სხვა ქვეყნებზეთავდასხმის გეგმა არ აქვს, ჩვენ უკრაინასაც არ დავსხმივართ თავს“, – ამის შესახებ რუსეთის საგარეო საქმეთა მინისტრმა სერგეი ლავროვმა ანტალიაში უკრაინის საგარეო საქმეთა მინისტრ დმიტრო კულებასთან შეხვედრის შემდეგ განაცხადა.

მისი თქმით, იყო სიტუაცია, რომელიც პირდაპირ საფრთხეს უქადდა რუსეთის ფედერაციას.

„რაც შეეხება რუსეთის გეგმებს, დაესხას თავს სხვა ქვეყნებს, ჩვენ ასეთი გეგმები არ გვაქვს. ჩვენ უკრაინასაც არ დავსხმივართ თავს. ჩვენ ძირითადად აღვნიშნავდით, რომ იყო სიტუაცია, რომელიც პირდაპირ საფრთხეს უქადდა რუსეთის ფედერაციას და მიუხედავად მრავალი ახსნა- განმარტებისა, კომენტარებისა, წინადადებისა, არავინ გვისმენს ჩვენ. და პრეზიდენტი პუტინი საუბრობდა მაგალითად დონბასის მოვლენებზე, მაგალითად, შეტევები სახალხო რესპუბლიკების წინააღმდეგ იგეგმებოდა აი ამ თვისთვის. და პენტაგონის აქციები და ქმედებები ასევე არის აღსანიშნავი ბიოლოგიურ ლაბორატორიებში უკრაინაში, პათოგენებზე ექსპერიმენტები, რომელიც შეიძლება, გამოყენებულ იქნას ბიოლოგიური იარაღის შესაქმნელად. და ევროკავშირმა გააკეთა განცხადება, რომ იმავეს არ აკეთებს უკრაინაში და ჩვენ არ გვაკვირვებს ეს. რაც განაცხადეს გამომსვლელებმა გაერო-დან, რომ მათ არ აქვთ ამაზე ინფორმაცია, ესეც არაა გასაოცარი, რადგან ამერიკელებმა ეს გააკეთეს დახურულად, ცდილობდნენ, დაემალათ ეს აქტივობები. აღნიშნულს აკეთებდნენ მრავალ პოსტსაბჭოთა რესპუბლიკაში და ჩინეთში ამას წლების განმავლობაში აკეთებდნენ. არსებობს ბიოლოგიური იარაღის კონვენცია, რომელიც გვთავაზობს, რომ ყველა ქვეყანა ანგრიშვალდებული უნდა იყოს იმ აქტივობებზე, რომელიც მიმდინარეობს საკუთარ ტერიტორიაზე და სხვა ქვეყანაში. მაგრამ ქვეყნებს, რომლებიც იარაღს აწვდიან უკრაინას, უნდა ესმოდეთ, რომ მათ პასუხისმგებლობა ეკისრებათ ამ ქმედებებზე“, – განაცხადა სერგეი ლავროვმა.