„ვისაც მოგენატრათ, თან რუსეთის პროპაგანდისტული არხი შეგახსენოთ, თან ამ არხის მიერ გაპიარებული სააკაშვილიც. გადაცემა 2020 წელს შედგა, თუმცა აქაც - სააკაშვილი თავის აღფრთოვანებას ვერ მალავს რუსეთში ბიზნესის დონით, რეფორმირების მიმდინარეობით - აი იმ რუსეთის, რომელიც დღე-დღეზე უნდა დაიშალოს. ხოლო რაც შეეხება მის მშობლიურ უკრაინას - რუსეთთან შედარებით, სააკაშვილმა ის მიწასთან გაასწორა. ის უკრაინა - რომლის რეფორმებს თავად ხელმძღვანელობს დღემდე“, - წერს ექსპერტი დავით ქართველიშვილი სოციალურ ქსელში.

„საქართველოში სავსებით ლოგიკურად, მაუწყებლობა შეუწყდა რუსეთის პროპაგანდისტულ ტელევიზიებს, თუმცა რად გინდა - მათი ადგილობრივი ფილიალები საკმაოდ კომფორტულად გრძნობენ თავს. დღეს ერთ-ერთმა მათგანმა თავის გამრუდებული და გაუკუღმართებული ლოგიკით - სააკაშვილის მიერ საქართველოში შემოყვანილი რუსული კომპანიების საქმიანობა - მოქმედ ხელისუფლებას გადააბრალა. მათ შორის ნახსენები იქნა „ბილაინი“, „ბორჯომი“, „არ-ემ-ჯი გოლდი“... ამასთან დაკავშირებით, მინდა ერთი გასროლით ორი კურდღელი მოვკლა - ვისაც მოგენატრათ, თან რუსეთის პროპაგანდისტული არხი შეგახსენოთ, თან ამ არხის მიერ გაპიარებული სააკაშვილიც. გადაცემა 2020 წელს შედგა, თუმცა აქაც - სააკაშვილი თავის აღფრთოვანებას ვერ მალავს რუსეთში ბიზნესის დონით, რეფორმირების მიმდინარეობით - აი იმ რუსეთის, რომელიც დღე-დღეზე უნდა დაიშალოს. ხოლო რაც შეეხება მის მშობლიურ უკრაინას - რუსეთთან შედარებით, სააკაშვილმა ის მიწასთან გაასწორა. ის უკრაინა - რომლის რეფორმებს თავად ხელმძღვანელობს დღემდე. სააკაშვილის და ნაყოფიას მიდგომა რუსეთთან და მის ბიზნეს/აქტივებთან არ შეცვლილა არც ოკუპაციამდე, არც ოკუპაციის შემდეგ - რასაც პირადად შეუწყვეს ხელი. მათზე შეყვარებულ ფანატიკოსებს კი წინ საინტერესო და მონატრებული ვიდეო/სიამოვნება ელით“, - წერს დავით  ქართველიშვილი.