„მტკიცეა ჩვენი ხელისუფლების გადაწყვეტილება სანქციებთან დაკავშირებით, რომელიც არ შეიცვლება, ისევე, როგორც გაგრძელდება აქტიური მხარდაჭერა და დახმარება უკრაინისა და უკრაინელებისთვის“, - ასე ეხმიანება ექსპერტი ნინო ფოჩხუა ირაკლი კობახიძის განცხადებას, რომ მათი პოზიცია სანქციების დაწესებასთან დაკავშირებით არის უცვლელი და ამ პოზიციას ვერავითარი პროვოკაციების, ფარული კამპანიების თუ უცხოელი ლობისტების მეშვეობით ვერავინ შეაცვლევინებს.

„კიდევ რამდენი უნდა იწვალონ, დახარჯონ ფული, იწანწალონ ქუჩა-ქუჩა? დაქირავებულმა ლობისტებმაც კარგად იციან, რომ ფუჭია მისი დამკვეთი „ომის პარტიის“ ყველა მცდელობა, ააყირაოს ქვეყანა, მაგრამ იხდიან და... მტკიცეა ჩვენი ხელისუფლების გადაწყვეტილება სანქციებთან დაკავშირებით, რომელიც არ შეიცვლება, ისევე როგორც გაგრძელდება აქტიური მხარდაჭერა და დახმარება უკრაინისა და უკრაინელებისთვის“, - წერს ნინო ფოჩხუა.