პოლონეთის პრემიერმა შემაჯამებელ სიტყვაში მკაფიოდ თქვა, რომ საქართველო თავისი შესაძლებლობების ფარგლებში ყველაფერს აკეთებს, ეს ნამდვილად ასეა, - ამის შესახებ პარლამენტის ვიცე-სპიკერმა დავით სერგეენკომ „ქრონიკის“ ეთერში განაცხადა.

„შეხვედრა საქართველოსა და პოლონეთის პრემიერებს შორის სულ რამდენიმე საათის წინ დასრულდა და ორივემ ძალიან მკაფიო განცხადებები გააკეთა. პოლონეთის პრემიერ-მინისტრის შემაჯამებელი სიტყვა იყო, რომ საქართველო ყველაფერს აკეთებს, რაც მისი შესაძლებლობების ფარგლებშია, ეს ნამდვილად ასეა. რაც შეეხება სანქცირების პროცესს, ეს რომ ნამდვილად დინამიკურია, კიდევ ერთხელ ვადასტურებ“, - აღნიშნა დავით სერგეენკომ.