„პრეზიდენტ პუტინის ომმა უკრაინის წინააღმდეგ მშვიდობა დაარღვია და მსოფლიო შოკში ჩააგდო“, - განაცხადა ნატოს გენერალურმა მდივანმა, იენს სტოლტენბერგმა გერმანიის კანცლერთან გამართულ პრესკონფერენციაზე.

„ჩვენ ჯეროვნად ვაფასებთ მამაც უკრაინელ ხალხსა და მათ შეიარაღებულ ძალებს. მათი გამბედაობა და მონდომება ჩვენთვის შთაგონების წყაროა“, - აღნიშნა ნატოს გენერალურმა მდივანმა.

იენს სტოლტენბერგის თქმით, ნატოს პასუხისმგებლობა ეკისრება ამ კონფლიქტის შემდგომი ესკალაციის თავიდან ასაცილებლად.

„ეს პრეზიდენტ პუტინის ომია. მან უნდა შეწყვიტოს ომი, გაიყვანოს თავისი ძალები და კეთილსინდისიერად ჩაერთეთ დიპლომატიაში. ის დიდ ფასს იხდის. მკაცრი სანქციები ზიანს აყენებს მის საომარ მანქანას. მადლობას ვუხდი გერმანიას იმ მნიშვნელოვანი როლისთვის, რომელსაც თქვენ თამაშობთ საერთაშორისო სანქციების აღსრულებაში“, - აღნიშნა იენს სტოლტენბერგმა.