უკრაინის პრეზიდენტის ოფისის ხელმძღვანელის მრჩეველის მიხაილო პოდოლიაკის ინფორმაციით, ომის დაწყებიდან დღემდე უკრაინაში 6 რუსი გენერალი მოკლეს.

მისივე თქმით, რუსეთის არმია სრულიად მოუმზადებელია და ბრძოლისას მხოლოდ ხალხის სიმრავლეზე აკეთებს აქცენტს.

„მოკლულია უკვე 6 გენერალი: გენერალ-მაიორი თუშაევი, გერასიმოვი, კოლესნიკოვი, სუხოვეცკი, მიტიაევი და გენერალ-ლეიტენანტი მორდვიჩევი. ათობით პოლკოვნიკი და სხვა ოფიცერი. ე.ი. რუსეთის ფედერაციის არმია სრულიად მოუმზადებელია და იბრძვის მხოლოდ ხალხის სიმრავლითა და საკრუიზო რაკეტებით“, - წერს პოდოლიაკი საკუთარ „ტვიტერზე“.

ამავდროულად, პრეზიდენტის კიდევ ერთი მრჩეველი, ოლექსი არესტოვიჩი ამბობს, რომ ფრონტის ხაზი უკრაინულ და რუსულ ძალებს შორის „პრაქტიკულად გაყინულია“, რადგან რუსეთს არ აქვს საკმარისი საბრძოლო ძალა შემდგომი წინსვლისთვის.