უკრაინის პრეზიდენტმა ვოლოდიმირ ზელენსკიმ გერმანიასა და ევროპის სხვა ქვეყნებს მოუწოდა, რომ შეწყვიტონ რუსეთის სპონსორობა, რუსეთის, რომელიც უკრაინის წინააღმდეგ სისხლიან ომს აწარმოებს. ზელენსკიმ ამ თემაზე ვიდეომიმართვაში ისაუბრა.

„გერმანელებო, თქვენ გაქვთ ძალა, ევროპას აქვს ძალაუფლება, უფრო ძლიერი, ვიდრე ნებისმიერი რაკეტა, ნებისმიერი ტანკი. თქვენთან ვაჭრობის გარეშე, თქვენი კომპანიებისა და ბანკების გარეშე რუსეთში არ იქნება ფული ამ ომის საწარმოებლად.

რაც შეიძლება მალე უნდა დამყარდეს მშვიდობა, და თქვენ ამის გაკეთება შეგიძლიათ,  თქვენ უნდა დაიცვათ თავი.

გთხოვთ, არ დააფინანსოთ რუსული სამხედრო მანქანა

არავითარი ევრო ოკუპანტებისთვის!

დახურეთ თქვენი ყველა პორტი, არ მიაწოდოთ საქონელი, უარი თქვით რუსეთის ენერგორესურსებზე.

მე მჯერა, ვიცი, რომ მშვიდობა შესაძლებელია, მაგრამ თქვენ უნდა იმოქმედოთ, რომ მშვიდობას მიაღწიოთ.

იმოქმედე! იმოქმედეთ მშვიდობისთვის“, - განაცხადა ზელენსკიმ.

ზელენსკიმ ხაზგასმით აღნიშნა, რომ არავის აქვს უფლება, გაანადგუროს ერები და მით უმეტეს, გაანადგუროს ევროპა. მან, ასევე, შეახსენა მათ, რომ უკრაინამ არაერთხელ გააფრთხილა ევროპელი პოლიტიკოსები, რომ „საშიშია, როცა მოსკოვი წყვეტს, გაქვს თუ არა გაზი, და რა ღირს ის“.

ზელენსკიმ დასძინა, რომ უკრაინა ამჟამად იბრძვის ხსნისთვის, მსოფლიოს ერთ-ერთი უდიდესი არმიის წინააღმდეგ, „რაკეტების, ბომბების, რეაქტიული არტილერიის წინააღმდეგ, თვითმფრინავებისა და ვერტმფრენების წინააღმდეგ“.