დაუნის სინდრომის საერთაშორისო დღესთან დაკავშირებით, ოზურგეთის ფოლკლორის ცენტრში ღონისძიება გაიმართა. ბენეფიციარების განწყობაზე ადგილობრივმა ქორეოგრაფიულმა ანსამბლებმა და თოჯინების თეატრმა იზრუნა. გაიჭრა სადღესასწაულო ტორტი და პატარებს სიმბოლური  საჩუქრები გადასცეს.

ღონისძიებას გურიაში სახელმწიფო რწმუნებულის მოადგილე ქეთევან მოისწრაფეშვილი, ოზურგეთის მერი ავთანდილ თალაკვაძე, მოადგილე ნათია გოლიაძე და საკრებულოს თავმჯდომარის მოადგილე ნინო ჭანიშვილი დაესწრნენ.

„21 მარტი დაუნის სინდრომის მქონე პირთა საერთაშორისო დღეა! ჩვენ ვერთიანდებით, რომ ხელი შევუწყოთ ამ სინდრომის შესახებ ცნობიერების ამაღლებას, ინკლუზიური განათლების განვითარებას და ღირსეული გარემოს შექმნას.  ჩვენი მეგობრობა გულწრფელი და ნამდვილია, რადგან მეგობრები ქრომოსომებს არ ითვლიან!“- აღნიშნა ავთანდილ თალაკვაძემ.

დაუნის სინდრომის საერთაშორისო დღედ 21 მარტი 2011 წლიდან გაერთიანებული ერების ორგანიზაციის მიერ დაწესდა. მსოფლიო და საქართველო, ამ დღეს დაუნის სინდრომის შესახებ ცნობიერების ამაღლებისა და საზოგადოების მეტად ინფორმირების მიზნით სხვადასხვა ღონისძიებას მართავს.

ღონისძიება ოზურგეთის მუნიციპალიტეტის მერიის განათლების, კულტურის, სპორტის, ახალგაზრდულ საკითხთა, ჯანდაცვისა და სოციალური მომსახურების სამსახურის - განათლებისა და გენდერულ საკითხთა განყოფილების ორგანიზებით ჩატარდა.